T卯m Safonau Tai
Mae’r Tîm Safonau Tai’n gweithio i ymgysylltu â thenantiaid y sector preifat gan roi llais iddynt ac ymateb i’w hanghenion. Mae’n flaenoriaeth gan Gyngor Sir y Fflint i gefnogi tenantiaid a chodi safonau. Rydym yn credu bod gan bawb yr hawl i fyw mewn cartref sydd mewn cyflwr da, gyda mynediad parod at bob amwynder hanfodol, yn ddiogel a heb unrhyw beryglon sylweddol. cant hazards.
Gellir gweld rhestr o’r 19 o risg ar dai dan y System Mesur Iechyd a Diogelwch ar gyfer Tai drwy .
Landlordiaid Twyllodrus
Term ar gyfer landlordiaid sy’n rhentu eiddo nad ydynt yn dilyn y rheolau mewn perthynas â thrwyddedu a safonau diogelwch mewn eiddo yw Landlordiaid Twyllodrus. Mae’n bosibl na fydd rhai ohonynt wedi cofrestru a thrwyddedu’n gywir; ni fydd rhai ohonynt yn cyflwyno contractau priodol i denantiaid; a bydd rhai’n gwrthod cwblhau gwaith atgyweirio.
Bydd y cwestiynau isod yn eich helpu i benderfynu p’un a yw eich landlord yn dilyn y rheolau a ph’un a oes angen i chi roi gwybod amdanynt i’r asiantaeth berthnasol.
Ers 2015, mae’n rhaid i bob eiddo wedi’i rentu’n breifat yng Nghymru fod wedi cofrestru gyda Rhentu Doeth Cymru. Mae’n rhaid i landlord gael trwydded unigol os ydynt am ymgymryd â gweithgareddau megis casglu rhent, trefnu tenantiaid neu gyflwyno rhybuddion troi allan.
Mae rhai Landlordiaid yn defnyddio asiantau trwyddedig yn hytrach.
Mae’n bosibl y bydd rhai eiddo a landlordiaid wedi’u heithrio.
Os nad ydych chi’n siŵr os oes gan eich Landlord neu eich Asiant y drwydded neu’r cofrestriad perthnasol, gallwch gysylltu â Rhentu Doeth Cymru yn uniongyrchol neu’r Tîm Safonau Tai drwy anfon e-bost at: HousingEnforcement@flintshire.gov.uk
Y perchennog / landlord fydd pwynt cyswllt cyntaf yr eiddo bob amser i drafod eich pryderon a gofyn i unrhyw ddiffygion gael eu cywiro. Cofiwch, efallai nad ydynt yn sylweddoli fod angen gwneud gwaith ar yr eiddo.
Yna dylid rhoi amser rhesymol i’r perchennog / landlord wneud y gwaith atgyweirio. Mae’r cyfnod yn dibynnu’n fawr ar y math o waith atgyweirio sydd ei angen.
Mae Llythyr Safonol y gallwch ei ddiwygio a’i anfon at eich landlord cyn i ni ymyrryd ar gael yma.
Gallai’r llythyr hwn helpu i ddatrys eich pryderon heb i ni orfod ymyrryd.
Os yw perchennog, landlord neu asiant yr eiddo wedi gwrthod gwneud gwaith atgyweirio neu wedi cytuno i wneud gwaith atgyweirio, ond yn methu eu dechrau ar yr amser cytunedig, gallwch gysylltu â’r Tîm Safonau Tai.
Bydd Swyddog Iechyd yr Amgylchedd yn ystyried eich ymholiad ac yn penderfynu p’un a oes angen ymgymryd â gwaith ymchwil neu gamau gorfodi pellach. Mae’n bosibl y byddant yn cynnal arolwg o’ch cartref ac yn trafod eich achos â’r landlord.
Gallwch gysylltu â’r Tîm Safonau Tai drwy anfon e-bost at: HousingEnforcement@flintshire.gov.uk
Dylai eich eiddo fod mewn cyflwr addas i bobl fyw ynddo pan fyddwch yn dechrau byw yno. Ni chaiff yr adran hon o gyfraith tai ei gorfodi gan y Cyngor a byddai Llys Sirol yn gwneud penderfyniadau ynglŷn â ph’un a yw eich cartref mewn cyflwr addas neu beidio.
Y perchennog / landlord fydd pwynt cyswllt cyntaf yr eiddo bob amser i drafod eich pryderon a gofyn i unrhyw ddiffygion gael eu cywiro. Dylech gysylltu â Shelter Cymru neu Gyngor ar Bopeth Sir y Fflint os nad ydych chi’n credu bod eich cartref yn addas.
Mae canllawiau cyffredinol i denantiaid preifat am Ffitrwydd i fod yn Gartref ar gael drwy ddilyn y .
Problemau Cyffredin Mewn Eiddo Rhent Preifat
Lleithder neu Dyfiant Llwydni
Mae cwynion ynghylch lleithder a thyfiant llwydni’n gyffredin iawn a gallwch ddod o hyd i gyngor defnyddiol i’ch helpu i ymdrin â’r llwydni yn .
Os ydych chi’n credu bod diffygion sylweddol yn y system wresogi, insiwleiddio neu awyru yn eich cartref, neu os yw’r lleithder neu’r tyfiant llwydni’n cael effaith ar eich iechyd, dylech gysylltu â ni.
Tlodi Tanwydd
Mae cynhesu cartrefi’n gallu bod yn ddrud a gall gynnig cyngor a chymorth mewn perthynas â hyn.
Risg o Gael Eich Troi Allan
Gall eich landlord gyflwyno rhybudd troi allan i ddod â’ch tenantiaeth i ben, fodd bynnag, mae’n rhaid iddynt ddilyn y weithdrefn gywir. Os nad ydych chi’n siŵr pa rybudd a gyflwynwyd i chi a’r gofynion cysylltiedig, gallwch gysylltu â i gael rhagor o gefnogaeth a chyngor.
Aflonyddwch a Throi allan anghyfreithiol
Rhaid i’ch Landlord/Asiant weithredu o fewn y gyfraith bob amser. Os ydych chi’n teimlo dan fygythiad, wedi brawychu neu’n fregus yn sgil gweithredoedd eich Landlord/Asiant, dylech adrodd am hyn i dîm Atal Digartrefedd y Cyngor neu’r tîm Safonau Tai.
Gallwch ddod o hyd i’r wybodaeth berthnasol o’r hyn sy’n dderbyniol neu’n anghyfreithlon yn .
Gallwch gysylltu â’r tîm Rheolaeth Amgylcheddol ar ppadmin@flintshire.gov.uk neu ffonio 01352 703440.